जलद प्रतिसाद पथक
About Us
मुंबई शहर हे दहशतवादी हल्ले आणि गुन्हेगारी घटकांकडून होणाऱ्या हल्ल्यांना बळी पडण्याची शक्यता आहे. अशा प्रसंगांना प्रभावीपणे हाताळण्यासाठी आणि ओलीसांना मुक्त करण्यासाठी उच्च प्रशिक्षित, प्रवृत्त, तरुण, तंदुरुस्त आणि संपूर्णतः सुसज्ज अशी टीम असणे आवश्यक होते.
२६/११ च्या घटनेनंतर एनएसजी आणि फोर्स वनच्या धर्तीवर हे ३१ ऑगस्ट २००९ रोजीच्या शासन निर्णयाने जलद प्रतिसाद पथक स्थापन करण्यात आले असून, हे पथक दहशतवादी हल्ल्यांस आणि इतर मोठ्या सुरक्षा धोक्यांना प्रथम प्रतिसादकर्ता म्हणून कार्य करत आहे.
जलद प्रतिसाद पथक अत्यंत कमी वेळेत जलद हालचाली करून, घटनास्थळावरील सामरिक माहिती गोळा करण्यासाठी कारवाई करते आणि संभाव्य धोका निष्क्रिय करते आणि हे पथक ओलीसांची सुटका करतात. केंद्रीय सुरक्षा दलांना आणि राज्य सुरक्षा दलांना शासकीय कर्तव्यात साहाय्य प्रदान करतात.
जलद प्रतिसाद पथकाची सहा युनिट्समध्ये विभागणी करण्यात आली आहे. मुख्य जलद प्रतिसाद पथक कलिना येथे तैनात आहे. तसेच अन्य जलद प्रतिसाद पथके पाच प्रादेशिक नियंत्रण कक्ष येथे तैनात आहे (दक्षिण, मध्य, पश्चिम, पूर्व आणि उत्तर) मुख्य जलद प्रतिसाद पथक हे अपर पोलीस आयुक्त (संरक्षण व सुरक्षा) यांचे पर्यवेक्षणाखाली कार्यरत असतात. तसेच प्रादेशिक जलद प्रतिसाद पथक हे संबंधित प्रादेशिक विभागाचे अपर पोलीस आयुक्त यांचे पर्यवेक्षणाखाली कार्यरत असतात.